"Милан" жамоаси "ПСЖ"нинг швециялик ҳужумчиси Залатан Иброҳимовични қўлга киритиш борасидаги ҳаракатларини тўхтатмаяпти.
La Gazzetta dello Sport нашрининг хабарига кўра, "россонерилар"нинг вице-президенти Адриано Галлиани ушбу футболчининг агенти Мино Райола билан шахсий шартнома бўйича келишувга эришган.
Хабарда айтилишича, "Милан" Иброҳимович билан 3 йиллик шартнома имзолаб, унга йилига 6 млн евролик маош тўлаш ҳамда қўшимча бонуслар бериб боришга розилик билдирган.
Маълум қилинишича, "ПСЖ" уни 5,5 млн евро эвазига қўйиб юборишга тайёр.
Эслатиб ўтамиз, Иброҳимович икки мавсумни «Милан»да ўтказиб, 2012 йилнинг июль ойида 21 миллион евро эвазига «ПСЖ»га трансфер қилинганди. Унинг парижликлар билан шартномаси 2016 йилнинг ёзида якунига етади.