АҚШлик машҳур актёр Жонни Депп ва франциялик кўшиқчи Ванесса Парадининг 16 ёшли қизи Chanel қиёфасига айланди, деб маълум қилмоқда Fashionista портали. Лили-Роуз Депп янги кузги-қишки кампанияда замонавий бренднинг қуёшдан сақловчи кўзойнаклари коллекциясини реклама қилади.
Порталнинг кайд этишича, Chanel рекламаси учун Лили-Роуз Деппни ушбу марканинг креатив директори Карл Лагерфельднинг ўзи танлаган. “Лили-Роуз ажойиб, юлдуз учун хос бўлган барча қирраларга эга бўлган янги авлод қизи”, деб айтмоқда Лагерфельд.
Лили-Роуз илк бор 2015 йилнинг апрелида омма олдига чиқди: у ўз онаси билан Chanel модалар намойишида иштирок этди. Лили-Роуз шу ойнинг ўзида Oyster журналининг фотосессиясида суратга тушди. Ўшанда ОАВлар қизнинг отасининг изидан бориб, актриса бўлишга қарор қилгани маълум қилинганди: Лили-Роуз Yoga Hosers фильмидаги бош роль учун танлаб олинган. Бу фильм эпизодида унинг отаси ҳам пайдо бўлади.
Ванесса Паради ва Жонни Депп 14 йил бирга яшашгандан кейин 2012 йилнинг июнида ажрашишган. Улар биргаликдаги турмушларидан бир қиз ва бир ўғил фарзанд кўришган.