Аргентиналик футболчи Лионель Месси ва португалиялик футболчи Криштиану Роналду УЕФА талқини бўйича 2014/15 йиллардаги мавсумдаги Европанинг энг яхши футболчиси мукофотига даъвогарлик қилаётган ўн нафар номзод орасига киритилди.
Шунингдек, ушбу мукофотга Эден Азар (Бельгия, “Челси”), Жанлуижи Буффон (Италия, “Ювентус”), Артуро Видаль (Чили, “Ювентус”), Неймар (Бразилия, “Барселона”), Андреа Пирло (Италия, “Ювентус” ва “Нью-Йорк Сити”), Поль Погба (Франция, “Ювентус”), Луис Суарес (Уругвай, “Барселона”), Карлос Тевес (Аргентина, “Ювентус” ва “Бока Хуниорс”) ҳам даъвогарлик қилмоқдалар.
Дастлабки рўйхатга 35 футболчи номига киритилган эди.
Ҳакамлар ҳайъати УЕФАдаги барча 54 та миллий уюшма номидан ваколатлик қилувчи журналистлардан ташкил топади. Ҳайъатнинг ҳар бир аъзоси унинг фикрича мавсумнинг энг яхши беш нафар футболчисининг номини айтади. Ҳар бир номзод 1-ўрин учун 5 очко, 2-ўрин учун 4 очко ва шу ҳоказо очко олади.
Овоз беришнинг иккинчи босқичи натижаларига кўра, уч нафар номзод саралаб олинади. Уларнинг номлари 12 августда эълон қилинади. Монакода 28 августда бўлиб ўтадиган 2015/16 йиллардаги мавсум учун Чемпионлар Лигасининг гуруҳ босқичига қуръа ташлаш маросимида ҳакамлар ҳайъати энг яхши футболчини аниқлаш учун овоз беради.
Аввалги йилларда ушбу мукофотга Месси (2011), Андрес Иньеста (2012), Франк Рибери (2013) ва Роналду (2014) лойиқ топилган эди.