27 июнь куни Тайвань аквапаркидаги портлаш ҳамда у келтириб чиқарган ёнғин оқибатида ҳалок бўлганлар сони 7 кишини ташкил қилди, деб хабар беради CNA телеканали.
Репортажда кўрсатилишича, 19 ёшли қиз фожианинг еттинчи қурбони бўлди. Июнь ойининг охиридан бери шифохонада ётган қиз ҳаёт таъминоти тизимидан узиб қўйилди.
Воқеа Синьбэй шаҳридаги аквапаркда уюштирилган кечада содир бўлди. Color Play Asia байрами чоғида кўплаб сочилган турфа буёқлар портлашни келтириб чиқаргани тахмин қилинмоқда. Портлаш жойига тез тиббий ёрдамнинг ва қутқарув хизматларининг кириб келиши анча кечиккани боис одамлар ўз билганларича жон сақлашди. Айримлар ҳовузга сакрашди, бошқалар қочиш илинжида дарвоза томон югуриб, оёқ остида қолиб кетди.