Айрим онлайн-терминал эгалари баъзан ҳисоб “тўлиб қолган”ини рўкач қилиб, харидорларни тўловни нақд пул билан амалга оширишга ундайди. Шу масалада Ўртачирчиқ туманида истиқомат қилувчи аёл “Оила даврасида” газетасига мурожаат қилди.
Унинг саволига жавоб берган Марказий банк раисининг биринчи ўринбосари Муродилла Эшматов бундай баҳоналар асоссиз эканлигини таъкидлади.
“Онлайн-терминал орқали тўлов амалга оширилганда маблағ шу заҳоти савдо ёки хизмат кўрсатувчи корхона ҳисобига ўтади. Демак, терминал тўлиб қолиши мумкин эмас”, – унинг сўзларини келтиради нашр.