Times газетаси россиялик бизнесмен Макс Фридзоннинг президент Владимир Путинга қўйган айбловларини шарҳлаб ўтди. Унинг айтишича, Путин Санкт-Петербург ҳокимининг ўринбосари бўлган пайтда нефть компаниясининг 4 фоизига эга бўлган.
Фридзон ҳозирликда “ЛУКОйл” ва “Газпром” билан судлашмоқда. Бизнесменнинг таъкидлашича, у 1995 йилда асос солган Sovex компаниясидаги улушидан қаллоблик йўли билан жудо қилинган. Компания “Пулково” аэропортига ёқилғи етказиб бериш ҳуқуқини қўлга киритган.
Газетада ёзилишича, Путинга қарши қаратилган бу айбловлар Нью-Йорк судига Фридзон томонидан топширилган даъво аризасида акс этмаган.
Times газетасида эътироф этилишича, АҚШ Путиннинг 90-йилларда ўз шериклари билан мана шундай йўллар билан катта бойликка эга бўлгани борасида исбот-далил тўплаган. Эндиликда, агар Путин Украинада тинчлик ўрнатишга тўсқинлик қилса, у ва унинг атрофидагиларга нисбатан санкциялар янада кучайтирилади.
Путиннинг матбуот котиби Дмитрий Песков газетага берган интервьюсида бу маълумотларнинг ҳақиқатга мос келмаслигини таъкидлади. Шунингдек, у Фридзоннинг айбловларини инкор қилди.
Газетада таъкидланишича, Песков унга берилган 20та саволга бир хилда “ёлғон” ёки “ҳақиқатга тўғри келмайди” деб жавоб берган. Бу саволларнинг бари Путиннинг ноқонуний йўллар билан миллиардлаб доллар тўплагани борасидаги мишмишларга оид эди.
