Красноярск ўлкаси губернатори Виктор Толоконский ўлка захира фондидан 22 июль куни юз берган йирик йўл транспорт ҳодисаси қурбонларининг оилаларига 300 минг рублдан кўмак ажратилиши ҳақида маълум қилди.
"Охирги маълумотларга кўра, ЙТҲ натижасида ҳалок бўлган йўловчиларнинг барчаси Красноярск ўлкасида яшовчилар бўлишган. Фақат ҳайдовчи Хабаровскдан эди. Биз унинг оиласига ҳам ёрдам берамиз", дейди Виктор Толоконский.
Шунингдек, ҳодиса натижасида жароҳат олиб, шифохонага ётқизилганлар ҳақида ҳам ғамхўрлик қилинади ва уларни қўллаб-қувватлаш учун имкон доирасдаги барча чоралар кўрилади.
Эслатиб ўтамиз, 22 июль куни Красноярскдан Шариповога кетаётган автобус юк машинаси билан тўқнашиб кетган ҳамда 11 киши ҳалок бўлиб, 44 киши жароҳатланган.
Ҳодиса сабаби ҳозирча ўрнатилмаган. Текширув ишлари давом этмоқда.
23 июль куни Красноярск ўлкасида мотам куни сифатида эълон қилинди.