291 километрлик Самарқанд-Бухоро темир йўл участкасини электрлаштириш ишлари олиб борилмоқда. Бу йўлда 4 навбатчилик пункти ва 3 кичик электр станцияси қурилиши режалаштирилган. Бу ҳақда Миллий матбуот марказида бўлиб ўтган “Ўзбекистон темир йўллари” акциядорлик жамиятининг жорий йил биринчи ярмида ижтимоий-иқтисодий фаолияти якунлари ва келгусида амалга оширилиши кўзда тутилаётган лойиҳаларига бағишланган матбуот анжуманида айтилди.
Қайд этилишича, 400 млн долларлик ушбу лойиҳа бўйича ишлар 2016 йилда тугалланади.
Келгусида "Самарқанд-Бухоро" йўналишида Испаниянинг Patentes Talgo, S.L компанияси томонидан яратилган тезкор поездлар йўлга қўйилиши режалаштирилган.