26 июль куни Япония пойтахти Токио шаҳрида енгил моторли самолёт қулаб тушди ва 3 киши ҳалок бўлди. Бу ҳақда РИА Новости нашри Япония транспорт ва инфраструктуралар вазирлигига асосланган ҳолда хабар берган.
Аниқлик киритилишича, бу ҳодиса маҳаллий вақт билан 10:58да (Тошкент вақти билан 6:58да) Токио атрофидаги Теду шаҳарчаси ҳудудида рўй берган. Самолёт аэдромдан ҳавога кўтарилгач дарҳол муаммога дуч келган ва аэродромдан 2 км масофадаги тураржойлар ҳудудига қулаган.
Самолётда 5 киши бўлган. Улардан икки нафари ва ердаги бир киши ҳалокат қурбонига айланган. Уч нафар йўловчи эса оғир жароҳатлар билан шифохонага етказилган.
Ерга қулаган самолёт кўп ўтмай ёна бошлаган ва олов атрофдаги 5та уйга тарқалган. Айни вақтда ҳудудда қутқарувчилар ва ўт ўчирувчилар иш олиб боришмоқда.
Тахминларга кўра, ҳалокатда самолётдаги техник носозлик сабаб бўлган.