Хитойда 40 минг дона сохта Apple iPhone смартфонларини ишлаб чиқарган фабрика ёпилди.
Айтилишича, улар эски телефонларнинг эҳтиёт қисмларидан тўпланган. Маҳсулот экспортга йўналтирилиб, унинг умумий миқдори 120 млн юанни (19 млн доллар) ташкил қилган.
Бу “ишлаб чиқариш” жорий йилнинг январидан бошланган.
Сохта аппаратларга дастлаб АҚШда эътибор қаратилди, сўнг улар Хитой полициясига маълумот берди. Фабрикани исми келтирилмаган жуфтлик бошқарган. Ишга алоқадорликда гумон қилинаётган 9 киши қамоққа олинган.
Фабрика 14 майда аниқланган эди, аммо Хитой жамоат хавфсизлиги бюроси муваффақиятли операция ҳақида 26 июль куни ахборот берди.
