Twitter 2013 йилда илк бор биржага сотувга чиққандан кейин аудиториясининг ўсиши бўйича энг ёмон кўрсаткичлар ҳақида ҳисобот берди, бу салбий натижа компания қийматининг 11 фоизга арзонлашишига олиб келган, деб хабар бермоқда Reuters ахборот агентлиги.
2015 йилнинг 2-чорагида ижтимоий тармоқнинг аудиторияси 302 млн дан 304 млн фойдаланувчигача ошди. Компанияга 2015 йилнинг 1 июлидан раҳбар этиб тайинланган Джек Дорси бундай кўрсаткичларни номақбул деб атади.
Сармоячиларни Twitter аудиториясининг ўсиш салоҳияти ва компания бу соҳада қийинчиликларга дуч келаётгани ташвишга солмоқда. Аудитория ўсишининг сустлашишини ижтимоий тармоқнинг 2015 йилнинг 2-чорагидаги кутилгандан юқорироқ олинган даромади ҳам қоплай олмади.