Тошкентда сайёҳлар орасида машҳур бўлиб улгурган мавжуд музейлар орасида яна бир музей ташкил этилди. Меҳмонларга биринча марта ўз эшикларини очган Политехника музейи 2 та ҳудуддан яъни, экспозицион ва интерфаол ҳудудлардан ташкил топган. Бу ҳақда “O‘zbekturizm” МК матбуот хизмати хабар берди.
Экспозицион ҳудудда барча меҳмонлар ретро-автомашиналари, қадимий қишлоқ хўжалиги техникалари билан танишишди. Шунингдек, бу ерда маҳаллий автопромалар «GM Uzbekistan», “Тико” дан бошлаб “Орландо”га қадар Ўзбекистоннинг асосий автомобил макетлари намойиш қилинган.
Қайд этилишича, Ўрта Осиёда ягона ҳисобланган “Кинетик кичик шарлар” 3-D маппинг шоуси ва инсталляцияси музейга ташриф буюрганларга унутилмас онларни ҳадя қилади.
Интерфаол ҳудудда намойиш қилинган экспонатлар ҳам табиий фанларни англаб етиш учун яхши имконият ҳисобланади. Бу ерга ташриф буюрганлар “Интерфаол пол” ва “Х-бох” ҳудудларидаги компьютер ўйинларини ўзига қамраб олган ойнали лабиринт Eysma сирли хонасида рақсга тушаётган роботларнинг гувоҳи бўлишади.
