Microsoft компаниясининг янги Windows 10 операцион тизими чиқарилишининг дастлабки кунлари 14 млн фойдаланувчи томонидан юклаб олинди. Бу ҳақда компаниянинг расмий блогида компаниянинг маркетинг бўлими раҳбари Юсуф Мехди маълум қилди.
Компанияда таъкидланишича, бу рақамлар барча кутилган натижаларни оқлаган ва ҳозирда ҳаттоки “интернетни юклаб, ишдан чиқариб қўймаслик учун” операцион тизимни бир вақтда кўчириш сонини чеклаб қўйишга тўғри қелинмоқда.
Янги операцион тизимни юклаб олиш бошлангандан кейин бутун дунё бўйлаб интернет-провайдерлар қурилмаларга юкланиш ортганини айтмоқдалар, яъни интернет-трафик одатдагидан 35 фоизга ошгани таъкидланмоқда.