2015 йилда 31 июлда Қирғизистон Ташқи ишлар вазирлигининг расмий сайтида Ўзбекистон Вазирлар Маҳкамаси ва Қирғизистон Вазирлар Маҳкамаси ўртасидаги 2004 йил 24 июлдаги давлат чегарасидан ўтказиш пунктлари ҳақидаги келишувга ўзгартириш ва қўшимчалар киритиш бўйича Тошкентда ўтказилиши керак бўлган келишувлар “учрашув формати ҳақидаги шартлар бўйича Ўзбекистон томонидан билдирилган ўзгартиришлар Қирғизистон делегацияси таркиби тасдиқлангандан кейин жўнатилгани сабабли бўлиб ўтмагани” ҳақидаги маълумот чоп этилганди.
Ўзбекистон Ташқи ишлар вазирлиги Қирғизистон делегацияси билан ўтказилмай қолган учрашув бўйича изоҳ бериб ўтди.
Шу муносабат билан Ўзбекистон томони шуни таъкидлаб ўтмоқчики, икки давлат Ташқи ишлар ва ташқи иқтисодий алоқалар вазирликлари, чегара, божхона, транспорт хизматлари вакиллари иштирокида экспертлар гуруҳи форматида ўтказилиши мўлжалланган учрашув ўтказилиши кўзда тутилган музокараларнинг формати бўйича таклифлар Қирғизистон Ташқи ишлар вазирлигига жорий йилнинг 5 июнида Ўзбекистон Ташқи ишлар вазирлиги нотаси билан жўнатилган.
Қирғизистон томони эса фақатгина 24 июлда ўз делегацияси таркибини тақдим қилган ва бу делегация ҳеч қанақасига эксперт даражасига мос келмаган. Ўзбекистон ТИВ 26 июлда Ўзбекистон томонининг аввал белгиланган принципиал позициясини эътиборга олишни сўраб яна Қирғизистон ТИВга мурожаат қилган.
28 июль куни Қирғизистон томони Ўзбекистоннинг позицияси ҳисобга олинмаган ҳолдаги жавобни берган. Ўша куниёқ Ўзбекистон ТИВ Қирғизистон томонидан билдирилган таркибда учрашувни ўтказишнинг имконияти йўқлигини расмий нота билан маълум қилган.
Шу билан Қирғизистон ТИВ аввалдан учрашув ўтказилмаслиги ҳақида хабардор этилган.
Юқорида айтилганларга қарамасдан, Ўзбекистон томони Ўзбекистон ва Қирғизистон ўртасидаги дўстона ва қўни-қўшничилик тамойилларига асосланган муносабатларни икки давлат халқлари манфаати йўлида мустаҳкамлашга тайёрлигини тасдиқламоқда ва Қирғизистон томонидан икки томонлама ҳамкорликнинг барча масалаларини муҳокама қилишга конструктив ёндашишни кутиб қолмоқда.