Мадриднинг “Реал” жамоаси ярим ҳимоячиси Криштиану Роналду Грецияда орол сотиб олди, деб хабар бермоқда Move Noticias сайти.
Сайт маълумотларига кўра, футболчи бу оролни 2 августда уйланаётган ўз агенти Жорже Мендешга совға сифатида харид қилган.
Жорже Мендеш ва Сандра Мендешнинг никоҳ маросими Лиссабондаги черковлардан бирида бўлиб ўтди. Тўйда шунингдек Мендешнинг яна икки мижози – Пепе ва Фабио Коэнтрау ҳам иштирок этди.
Mirror нашрининг маълумотларига кўра, Мендеш иштирокида ўтказилган трансферларнинг умумий қиймати миллиард евродан ошади.
Грецияда 6 мингга яқин орол бўлиб, улардан 227 таси эгалланган. Роналду харид қилган орол Греция соҳилларини ювиб турувчи денгизлардан қайси бирида жойлашгани маълум қилинмади.