Перу хавфсизлик кучлари 54 нафар тутқунни озод қилишди, деб хабар беради Associated Press.
Уларни “Сендеро луминенсе” ҳаракати жангарилари қўлга олган эди. Ушбу радикал ташкилот мамлакатнинг узоқ ўрмонли ҳудудларида фаолият юритади.
Террорчиликка қарши кураш департаменти раҳбари Хосе Баэльянинг сўзларига қараганда, тутқунларнинг кўпчилиги 20 йил муқаддам Пуэрто-Окопа шаҳридан олиб қочиб кетилган эди. Улар орасидаги аёллар жангариларга фарзанд туғиб берган, бу болалар террорчи сифатида тарбияланган.
Озод қилинганларнинг аксарият қисми кампа халқига мансуб эканлиги таъкидланмоқда.
“Сендеро луминенсе” – “Ёрқин йўл” маоистик ҳаракати вакиллари 1980 йилдан буён расмий ҳукуматга қарши курашиб келмоқда.
