"Арсенал" жамоаси ярим ҳимоячиси Жек Уилшер АПЛнинг янги мавсуми стартидаги ўйинларда тиззасидаги жароҳат туфайли иштирок эта олмаслиги мумкин.
The Daily Mail нашрининг хабар беришича, 23 ёшли бу футболчи 2 август куни Англия Суперкубоги учун "Челси"га қарши ўтказилган ўйинда ҳам шу туфайли майдонга туша олмаганди.
Унинг жароҳати тузалиши учун 3 ҳафта вақт талаб этилади.
Шу тариқа, Уилшер АПЛнинг "Вест Хэм" ва "Кристал Пелас"га қарши ўйинларини ўтказиб юборади. 24 август куни "Ливерпуль"га қарши ўтказиладиган 3 тур ўйинида ҳам унинг иштирок этиши сўроқ остида қолади.
Эслатиб ўтамиз, Уилшер 2011 йилда ўнг тиззасини операция қилдирганди.