Дастурчи Хантер Скотт томонидан ёзилган махсус дастур Twitter микроблогидаги танловларда автоматик тарзда иштирок этиб, 9 ой ичида мингтача совға ютиб олди. Бу ҳақда дастурчи ўз сайти орқали маълум қилди.
Скрипт ижтимоий тармоқда рўйхатдан ўтиб, “ютиш учун ретвит қилинг” сўзлари бор твитларни қидирган, ва уларни автоматик тарзда ретвит қилган. Муаллифнинг айтишича, бундай дастурлар илгари ҳам ишлаб чиқилган бўлиши мумкин, аммо ҳозирча уларнинг фаоллиги тармоқда қайд қилинмаган.
Ўз фаолияти давомида скрипт тахминан 165 минг танловда иштирок этиб (кунига ўртача 4та танлов), уларнинг 0.6 фоизида ютуқни қўлга киритган.