Дубай пляжларидан бирида 20 ёшли чўкаётган қизга ёрдам бергани ошиқаётган қутқарувчиларга унинг отаси улар қўллари билан тегиб қизининг “таҳқирлашларига” йўл қўймагани сабаб чўкиб кетди. Бу ҳақда Emirates247 нашри хабар бермоқда.
Дубай полициясининг қидирув-қутқарув департаменти директори ўринбосари Кўл Аҳмад Буркибанинг нашрга айтишича, келиб чиқиши осиёлик бўлган эркак (исми айтилмаган) ўз оиласини пляжга пикникка олиб келган. Унинг қизларидан бири чўмилиш пайтида чўка бошлаган, бироқ унинг отаси унга ёрдамга ошиқаётган икки қутқарувчига улар ўз қўллари билан қизига тегишини ўйлаб, уларнинг йўлини тўсган. У ўз қизини “таҳқирлангандан” кўра, ўлик ҳолда кўришни афзал билишини айтган.
Буркибанинг айтишича, қизнинг отаси бақувват бўлгани сабаб қутқарувчилар унга анча вақт қаршилик кўрсатишларига тўғри келган. Улар охир-оқибат унинг қаршилигини енгиб, қизнинг ёнига етиб келганларида вақтдан анча бой берганлари сабаб қизни қутқара олишмаган.
“Бу воқеани мен ҳеч эсимдан чиқара олмасам керак. Бу ҳолат мени ва бошқа кишиларни карахт ҳолга солди”, деб таъкидламоқда Буркиба. Унинг айтишича, қизни қутқариб қолиш учун барча имконият бўлган, чунки у қутқарувчилардан унча узоқда бўлмаган.
Полициячининг айтишича, қизнинг отаси ўз хизмат бурчини адо этаётган қутқарув хизмати ходимларига қаршилик кўрсатгани учун ҳибсга олинди. У Дубай суди олдида ўз қилмиши учун жавоб берадиган бўлди.