10 август кунининг иккинчи ярмида АҚШнинг Истанбулдаги элчихонасига қуролланган номаълум шахслар томонидан ҳужум уюштирилди. Бу ҳақда Рейтер маълум қилган.
Гувоҳларнинг айтишича, элчихонага бир аёл ва бир эркак ҳужум қилган. Уларга қарши қўриқчилар томонидан жавоб зарбаси берилгач, ҳужум қилувчилар ҳудудни тарк этиб, яширинишган.
Баъзи манбаларга кўра, ҳужум қилганлардан бири жароҳатланган ва қўлга олинган.
Ҳозирча қўлга олинган аёлнинг шахси ҳақида аниқ маълумот берилмаган.
Бу ҳужумдан бироз олдинроқ, шаҳарнинг Султобнейли мавзесида полиция участкаси биноси олдида автомобилга ўрнатилган бомба портлатилганди. Натижада 3 нафар полициячи ҳамда 7 нафар тинч аҳоли вакили жароҳатланган.
9 август куни ҳам Истанбулдаги полиция участкаларидан бири олдида теракт содир этилган ва 5 нафар полиция ходими ҳамда 2 нафар тинч аҳоли вакили жароҳатланганди.
Қайд этиш керакки, бу терактлар шу йилнинг июль ойида Туркия ва Курдистон ишчилар партияси ўртасида бошланган зиддиятларнинг бир қисми ҳисобланади. Туркия самолётлари томонидан ташкилотнинг базаларига бомба ёғдилишлари давомида шу вақтгача 400 нафарга яқин киши ҳалок бўлган ва яна шунча одам жароҳатланган.