Навоий вилояти Учқудуқ тумани «Учқудуқ Жаҳонгир» фермер хўжалиги раҳбари Абдулазиз Раҳматов хўжаликнинг ўзида қурилиш материаллари, жумладан, шлакоблок ҳамда йўлаклар учун брусчаткалар ишлаб чиқаришни йўлга қўйди. Бу ҳақда "Телеграф.уз" нашри хабар берди.
Яқинда Хитойдан 8,5 минг АҚШ долларига шлакоблок ишлаб чиқариш ускунасини келтириб ўрнатилди.
"Ускунамиз кунига 1500 дона шлакоблок ишлаб чиқариш қувватига эга. Ҳозирда ҳар куни 1000 дона маҳсулот ишлаб чиқариб, уларни тумандаги қурилиш фирмаларига етказиб бераяпмиз. Бу билан 3 та янги иш ўрни ҳам яратилди. Маҳсулотимиз харидоргир", — дейди тадбиркор.