Таниқли озиқ-овқат маҳсулотлари ишлаб чиқарувчи Kraft Heinz компанияси АҚШ ва Канададаги 2500 ходимини қисқартиришини эълон қилди. Бу қиймат компаниянинг умумий ходимлари сонидан 5 фоизни ташкил қилади. Бу ҳақда The Wall Street Journal нашри хабар бермоқда.
АҚШ Давлат котиби Жон Керрининг рафиқаси Тереза Хейнз Керрининг оиласига тегишли компания қисқартиришлар ҳисобига 1,5 млрд доллар тежаб қолишни режалаштирмоқда.
Компания вакилининг айтишича, Heinz раҳбарлари ва компаниянинг акционери ҳисобланадиган Бразилиянинг 3G Capital Partners компаниясининг мансабдор шахсларидан иборат янги менежерлар жамоаси бизнесни реструктуризация қилишга қарор қилди.
Kraft Heinz компанияси АҚШнинг 3-рақамли ва дунёнинг 5-рақамли озиқ-овқат маҳсулотлари ва ичимликлар ишлаб чиқарувчи компанияси ҳисобланади.