“Леди” газетаси ўқувчиларидан бири таҳририятга йўллаган мактубида имконияти чекланган инсонлар ҳамда аҳолининг маълум гуруҳлари вакиллари тугаш муддати белгиланмаган фуқаролик паспортлари берилиши мумкин-мумкин эмаслиги ҳақида савол берди.
“Муддати чекланмаган паспортлар олиш имкони борми? Ахир кекса, хаста, йиллаб ўрнидан қимирламай ётадиган қанча одам бор? Шу тоифа одамларга имтиёз яратишнинг имкони йўқми?”, – деб сўради муштарий.
Унинг саволига Firdavs Consult бюроси адвокати Ф. Мухторов жавоб берди.
“Ўзбекистон Республикаси фуқароси биометрик паспортларини бериш тўғрисидаги низомда тугаш муддати кўрсатилмаган паспорт берилиши кўзда тутилмаган, – деди мутахассис. – Аммо ушбу низомга шу ҳолат билан боғлиқ ўзгартиш киритиш ҳақида таклиф бериш мақсадга мувофиқ бўлади”.