Daimler AG автоконцерни бош директори Apple ва Google компаниялари билан “турли шаклдаги” ҳамкорликнинг имкониятлари ва кейинги авлод автомобилларини ахборот технологиялар ва дастурий таъминот ишлаб чиқариш соҳасидаги етакчи мутахассисларни жалб қилмаган ҳолда қуриб бўлмаслигини маълум қилди. Бу ҳақда Reuters ахборот агентлиги хабар берди.
“Google ва Apple компаниялари автомобилсозликка операцион тизимлар етказиб бермоқчи ва ўз экотизимининг элементларини киритмоқчи. Бу иккала томон учун ҳам қизиқарли бўлиши мумкин”, деб айтди концерн раҳбари Дитер Цетше.
Цетше Daimler учун вариантлардан бири сифатида АҚШлик ҳамкорлар билан қўшма корхона тузиш бўлиши мумкинлигини эслатиб ўтди, бироқ бу фикрлар “фақат назарий” эканлигини қўшимча қилди.
Daimler бош директорининг баёноти Volkswagen директори Мартин Винтеркорннинг АТ-компаниялар билан ҳамкорлик қилиш келажакда автомобилларни хавфсиз ва кўпроқ онгли қилиши ҳақидаги сўзларидан кейин берилди.
