АҚШлик машҳур боксчи Рой Жонс Россия президенти Владимир Путин билан Севастополда учрашгани сабабларини маълум қилди.
Спортчи Путин билан учрашишга АҚШни яхши кўриши учун рози бўлгани ва Москва ҳамда Вашингтон ўртасидаги муносабатларнинг яхшиланишига қўлидан келганича ҳаракат қилаётганини маълум қилган.
“Мен Россия ва АҚШ ўртасидаги муносабатлар охирги вақтда кескин тус олганини биламан. Бокс бизнинг давлатларимизни яқинлаштиришга қодир”, деб айтди боксчи.
Путин Жонсга Россия фуқаролигини олишига ваъда берган эди.
Шундан сўнг Рой Жонс Россия фуқаролигини олиш учун ариза топширди.