Моноблок компьютерлар 24 ва 27 дисплейларга эга версияларда таклиф қилинади. 24 дюймли версияда кўрсатиш қобилияти 3840 × 2160 нуқтани (4K Ultra HD формати), 27 дюймли версияда эса 1920 × 1080 нуқтани (Full HD) ташкил қилади.
Бир вақтнинг ўзида ўнтагача бармоқ текказишни таниш имкониятига эга сенсор бошқарув қўллаб-қувватланади.
Моноблокларнинг қурилмавий асосини Intel Skylake (6-авлод Core чиплари) платформаси ташкил қилади. Тезкор хотира ҳажми 16 Гб гачани, қаттиқ диск ҳажми эса 2 Тб гачани ташкил қилади. Кўпформатли кардридер кўзда тутилган.
Видеоост тизими 2 Гб хотирага эга NVIDIA GeForce GTX 950 дискрет график тезлаштиргичидан фойдаланади. Компьютерга JBL динамиклари, Wi-Fi 802.11b/g/n/ac ва Bluetooth 4.0 симсиз алоқа адаптерлари, 1080р-видео ни қўллаб-қувватловчи веб-камера (Intel RealSense 3D-камераси ўрнатилиши мумкин) ўрнатилган. USB 3.0 ва HDMI портлари кўзда тутилган.
IdeaCentre AIO 700 сериясидаги моноблок компьютерлар Windows 10 Home операцион тизими ва Lenovo’нинг ўз дастурий таъминоти тўплами ўрнатилган ҳолда октябрдан 900 доллар нархда сотувга чиқарилади.