Венгрия ташқи ишлар вазири Петер Сийярто миграцион инқирознинг сабаби сифатида айрим европалик сиёсатдонларнинг масъулиятсиз баёнотлари ва хатти-ҳаракатларини кўрсатди.
“Венгрияда бўлаётган ишлар икки нарсанинг оқибатидир, - унинг сўзларини келтиради ТАСС. – биринчидан, Евроиттифоқ миграцион сиёсатининг мағлубияти, иккинчидан, европалик сиёсатчиларнинг масъулиятсиз баёнотлари. Мана шу икки нарса туфайли биз кўраётган воқеалар содир бўлмоқда”.
Люксембургда ИЕга аъзо 28 давлат ташқи ишлар вазирларининг 2 кунлик учрашуви бўлиб ўтмоқда. Унда асосан миграцион инқироз муаммоси кўриб чиқилмоқда.