8 сентябрь куни Тошкентдаги Халқаро бизнес марказида УЕФА Чемпионлар лигаси мусобақасининг UzreportTV телеканали томонидан трансляция қилинишига бағишланган матбуот анжумани ўтказилди.
Анжуманда УЕФА таркибига кирувчи футбол клубларининг эксклюзив тижорат агенти ҳисобланган “TEAM Marketing” (Швейцария) агентлиги ҳамда “SARAN MEDIA INTERNATIONAL” (Мальта) компаниялари вакиллари, шунингдек, UzreportTV телеканали масъул ходимлари журналистлар саволларига жавоб беришди.
UzreportTV телеканали бош директори Равшан Жўраевнинг маълум қилишича, дастлаб учрашувлар рус тилида шарҳланади. Бироқ “ўзбек футбол ишқибозларини профессионаллар томонидан тақдим этилувчи кўплаб сюрпризлар кутмоқда”.
Бундан олдинроқ, ўзбекистонлик футбол ишқибозлари 2015 йилнинг ноябрь ойидан бошлаб Англия премьер-лигасининг 2015/2016 йилги мавсум учрашувлари ҳам томоша қилишлари мумкинлиги ҳақида хабар берилганди.
UzreportTV телеканали Англия премьер-лигасининг 155та учрашувини тўғридан-тўғри намойиш этади.