Ўзининг икки нафар балоғатга етмаган қизларини 5-қаватдаги уйи балконидан ташлаб юборган олма-оталик 33 ёшли Жадиру Кокенай ҳибсга олинди, деб маълум қилмоқда Олма-ота суди матбуот хизмати бошлиғи Қувондиқ Эшмат.
Аёлга “Қотиллик”, “Жиноятга тайёргарлик кўриш ва жиноятни амалга ошириш” моддалари бўйича айблов қўйилди.
Жиноий иш материалларига кўра, Кокенай 5 сентябрда ўз уйида ўзининг норасида фарзандлари – 2007 йилда туғилган Кокенай А. ва 2014 йилда туғилган Кокенай Х. ни атайлаб ўлдириш мақсадида 5-қаватдан ташлаб юборган ва ўзи ҳам уларнинг кетидан пастга сакраган.
Натижада 8 ёшли Кокенай А. олинган жароҳатлардан воқеа жойида ҳалок бўлган, 1,56 яшар Кокенай Х. ва жиноятчи Кокенай Ж. кўплаб тан жароҳатлари билан Олма-ота шаҳри шифохонасига олиб кетилган.
12 сентябрь куни Олма-Ота шаҳри Бўстонлиқ тумани 2-сонли суди томонидан шифохонага сафар уюштирилиб, қотилга нисбатан икки ой давомида ҳибсда ушлаб турилиши қарори чиқарилди ва эшиттирилди.
Ушбу фожиага изоҳ берган мутахассис аёлнинг руҳий касалликдан азият чеккан бўлиши мумкинлигини тахмин қилди.
Ҳозирда ўз фарзандининг қотили хушига келди ва қилиб қўйган иши ҳақида ҳеч нарсани эслай олмаяпти.
Маълум бўлишича, аёл Остона миллий олий таълим муассасасида кафедра доценти бўлиб ишлаган, турмуш ўртоғи эса масжидда ишлаган.