2015 йилнинг июнидан экранларга чиқарилган “Миньонлар” мультфильми жаҳон прокатида 1,08 млрд долларга топишга муваффақ бўлди, деб хабар бермоқда NME нашри. Бу кўрсаткич эвазига мультфильм энг кассабоп мультфильмлар рейтингида 2010 йилда чиққан ҳамда 1,06 млрд доллар топган “Ўйинчоқлар воқеаси 3: катта қочиш” (“История игрушек 3: Большой побег”) мультфильмини ортда қолдириб, 2-ўринга чиқиб олди. Рейтингнинг 1-қаторини 2013 йилда чиққан ва 1,27 млрд доллар топган “Музюрак” мультфильми эгаллаб турибди.
Барча кассабоп фильмлар рейтингида мультфильм 15-ўринни эгалламоқда. Мультфильм бундай катта муваффақиятга эга бўлишига унинг 13 сентябрда Хитой прокатида бошланиши сабаб бўлди. Бу ерда мультфильм икки кун давомида 20 млн доллардан кўпроқ маблағ йиғди.
“Миньонлар” суратга олган Universal киностудияси учун мультфильм “Форсаж 7” (1,512 млрд доллар) ва “Юра даври дунёси” (1,628 млрд доллар) кинофильмларидан кейин жорий йилдаги учинчи йирик кассавий муваффақият бўлди.
“Миньонлар” мультфильми митти сариқ одамчалар саргузаштлари ҳақида бўлиб, унда бош қаҳрамонлар ўзларига янги хўжайин топишга ҳаракат қиладилар.