American Airlines авиакомпанияси 13 сентябрда ходимлари жиддий хатога йўл қўйганлари ва бунинг оқибатида Лос-Ажелесдан Гавайига океан узра узоқ парвозни амалга ошириш учун рухсати бўлмаган самолёт юборилганини тан олди. Бу ҳақда Франс Пресс агентлиги маълум қилди.
Воқеа 31 август куни бундай мақсадларга мўлжалланмаган самолёт Лос-Анжелесдан Гонолулуга муваффақиятли парвозни амалга оширгандан кейин маълум бўлди.
American Airlines вакили Кейси Нортон компания ҳанузгача самолётлар қандай қилиб адаштириб қўйилгани юзасидан тергов олиб бораётганини маълум қилди. Нортон адаштириб қўйилган Airbus A321S самолётидан ичида қўшимча қурилмалар борлиги билан фарқ қилувчи Airbus A321H самолёти рейсни амалга ошириши керак бўлганини таъкидлаб ўтди.
Нортониннг айтишича, самолётлар бир хил двигатель, бир хил ёқилғи бакларига эга. Улар фақатгина Airbus A321H бортида фалокат юз бериши эҳтимолига қарши кўпроқ тиббий кислород ва ёнғинни бартараф этиш учун қўшимча баллони борлиги билан фарқ қилади.
Нортон АҚШ Фуқаролик авиацияси федерал бошқармаси ушбу нохуш воқеа ҳақида дарҳол хабардор этилганини таъкидлаб ўтди.