Россия президенти матбуот котиби Дмитрий Песков Москва тузумларни ўзгартириш билан шуғулланмаётгани ва Сурия бўйича махфий музокаралар олиб бормаётганини маълум қилди. Бу ҳақда ТАСС ахборот агентлиги хабар бермоқда.
Аввалроқ Bloomberg агентлиги Россия, Саудия Арабистони ва АҚШдаги дипломатик манбалар ва Сурия муҳолифати вакилларига таянган ҳолда Россия бир неча ойдан бери Сурия президенти Башар Асадни лавозимидан четлатиш ҳақида музокаралар олиб бораётганини маълум қилган эди.
“Мен яна бир бор эслатиб қўймовчиман, Москва ташқи ишлар вазири даражасида ҳам, президент даражасида ҳам тузумларни ўзгартириш билан шуғулланмаслигини бир неча бор таъкидлаб ўтган. Бу шундай туҳматларга энг яхши жавобдир”, деб айтди Песков баъзи ОАВлардаги гўёки Россия томонидан Сурия бўйича олиб борилаётган музокаралар ҳақида пайдо бўлган маълумотни тасдиқлаш ёки инкор этиш ҳақидаги мурожаатга жавобан.
Песков, Суриянинг тақдирини бир томонлама музокаралар билан ҳал қилиб бўлмаслигини таъкидлаб ўтди.
“Сурия тақдирини қандайдир бир томонлама музокаралар эмас, балки Сурия халқининг ўзи белгилаши керак”, деб айтди Песков.