Хитойнинг Янчжоу шаҳрида истиқомат қилувчи эркак iPhone 6s смартфонини харид қилиш учун ўз буйрагини сотиб юбормоқчи бўлди. Бу ҳақда China Daily нашри хабар берди.
Айтилишича, бу ғояни У исмли шахс дўстидан олган. Дўсти Хуан Уга Нанкиндаги шифохоналардан бирида тиббий кўрикдан ўтишни тавсия қилган. Ўша ерда улар буйрак харидорининг агенти билан учрашиши керак эди. Лекин агент учрашувга келмаган.
Шундан сўнг У буйрагини сотиш фикридан қайтган. Хуан келишувни бажаришни талаб қила бошлагач, У полицияга мурожаат қилган. Аммо Хуан полициядан қочишга муваффақ бўлган.