ФИФА Испания қироллик футбол федерациясига “Барселона”нинг янги ўйинчиси Арда Туронни янги мавсумга эълон қилинган футболчилар сафига киритишга рухсат бермади. Бу ҳақда Испаниянинг “Спорт” нашри маълум қилди.
ФИФА “Барселона”га ёш футболчиларнинг трансферида йўл қўйган қоидабузарликлари сабабли янги ўйинчиларни рўйхатга олишни тақиқлаб қўйган эди. Бу тақиқлов 2016 йилнинг январигача амал қилади. “Кўк-анор ранглилар” ёзда Арда Турон ва Алейша Видални ўз сафларига қўшиб олган эдилар, бироқ уларни мавсум бошида рўйхатдан ўтказа олмадилар.
Бироқ “Барса” Испания футбол федерциясига истесно тариқасида Туронни Чемпионлар Лигасида “Рома”га қарши учрашувда жароҳат олган Рафиньянинг ўрнига киритиш ҳақида ариза топширди. Бразилиялик футболчи оёқ бўғинлари чўзилиши сабабли бир неча ойга сафдан чиқди.
Испания футбол федерцияси кутилмаганда бунга розилик берди, бироқ ФИФА тақиқлов 2016 йилгача давом этишини эслатган ҳолда бу қарорни амалга оширишни тақиқлаб қўйди.