20 сентябрда “Ливерпуль” Англия Премьер-лигасининг 6-турида ўзининг майдонида “Норвич Сити”ни юта олмади, учрашув 1:1 ҳисоби билан якунланди. Мерсисайдликлар 48-дақиқада Дэнни Ингснинг голи эвазига ҳисобда олдинга чиқиб олдилар. “Норвич” Рассел Мартиннинг 61-дақиқадаги тўпи эвазига ҳисобни тенглаштиришди.
“Ливерпул”нинг ютуқсиз серияси Европа лигаси билан ҳисоблаганда 5 ўйиндан бери давом этмоқда. Брендан Роджерс шогирдлари 23 сентябрда Англия лигаси кубогининг 3-босқичида “Карлайл Юнайтед”га қарши учрашувда бунга чек қўйишлари мумкин.
6 та турдан кейин “Ливерпуль” ва “Норвич Сити”нинг ҳисобида 8 тадан очко бор.
Англия Премьер-лигаси. 6- тур
Ливерпуль (Ливерпуль) – Норвич Сити (Норидж) – 1:1
Голлар: Ингс, 48 (1:0); Мартин, 61 (1:1).
Яна бир учрашувда Сон Хюнь Миннинг голи “Тоттенхэм”га ўз майдонида “Кристал Пэлас” устидан минимал ҳисобда ғалаба олиб келди. Учрашувдаги ягона тўп 68-дақиқада урилди. “Тоттенхэм”нинг жанубий кореялик ўйинчиси учун бу тўп Англия чемпионатидаги илк тўпи бўлди.
“Тоттенхэм” мусобақа жадвалида 9 очко билан 9-ўринда, “Кристал Пэлас” эса 9 очко билан 8-ўринда бормоқда.
Тоттенхэм Хотспур (Лондон) – Кристал Пэлас (Лондон) – 1:0
Голлар: Мин, 68 (1:0).