22 сентябрда АҚШга келган Рим папаси Франциск АҚШ бўйлаб кичкина ва арзон Fiat 500L автомобилида ҳаракатланмоқда, деб хабар бермоқда Asscociated Press ахборот агентлиги.
Агентликнинг таъкидлашича, бу машиа унга ҳамроҳлик қилаётган хавфсизлик хизмати автомобиллари олдида деярли сезилмаяпти. Понтифик камтарин турмуш тарзини кечиришни афзал кўради. Ватиканда у Ford Focus автомобилидан фойдаланади. Понтифик Жанубий Кореяга ташрифи пайтида кичкина Kia автомобилида ҳаракатланган эди.
Британиянинг The Guardian нашри муаллифларининг фикрича, сафар учун бундай автомобилларнинг танланиши папанинг атроф-муҳитни муҳофаза қилиш ишини қўллаб-қувватлашини билдиради.