Швейцария ҳукумати ФИФА президенти Йозеф Блаттерга нисбатан жиноий иш қўзғатди, деб хабар бермоқда твиттерда АР ахборот агентлиги.
ФИФА қароргоҳида ҳамда Йозеф Блаттернинг офисида тинтувлар ўтказилди, деб хабар бермоқда Reuters ахборот агентлиги. Бу ҳақда Швейцариянинг бош прокурори маълум қилди. Унинг айтишича, тинтувлар пайтида маълумотлар мусодара қилинган. ФИФА президенти УЕФА президенти Мишель Платинига ноқонуний тарзда 2 млн швейцар франки ўтказиб берганликда гумон қилинмоқда.
Аввалроқ Блаттер ФИФА АҚШ ва Швейцария томонидан ФИФАнинг баъзи юқори лавозимли вакилларига нисбатан олиб борилаётган аксилкоррупцион терговларни қўллаб-қувватлашга тайёрлигини маълум қилганди.