"Челси" жамоаси бош мураббийи Жозе Моуриньо АПЛнинг 7-турида "Ньюкасл"га қарши ўтказилган ўйиндан (2:2) кейин журналистлар билан гаплашди.
"Биз бу ўйинда 1 очко ишлаб олдик. Бу мағлубиятдан кўра яхшироқ. Лекин мен фақат 3 очкога хурсанд бўламан.
Биринчи таймда 0:10 ҳисобида ютқазишимиз ҳам мумкин эди. Лекин рақиб фақат битта гол ура олди. Иккинчи таймда ўйинимиз яхшиланди, Рамирес ва Виллиан ўйинга яхши қўшилиб кетиб, вазиятни назорат қила бошлашди. Рақиб уларга қаршилик кўрсата олмай қолди.
Ҳакам эса ўйинда кўп вақт чўзилишларга йўл қўйиб берди.
Мен фуиболчиларнинг биринчи таймда жуда ёмон ўйнагани сабабини тушуна олмаяпман. Биз биринчи таймда жуда ёмон аҳволда кўриндик.
Албатта, бу ўйинда бизга Костанинг ёрдами етишмади", дейди португалиялик мураббий.