Ҳурматли ўқувчилар, эътиборингизга 28 сентябрь куни кенг муҳокамага сабаб бўлган хабарларни такроран ҳавола этамиз.
Украиналиклар делегацияси Путиннинг чиқишини ўз байроқларини кўтарган ҳолда қаршилашди>>
Россия президенти Владимир Путиннинг БМТ Бош Ассамблеясидаги чиқиши олдидан анжуманда қатнашаётган Украина делегацияси аъзолари украинларнинг афтодаҳол байроғини намойиш этишди. Бу ҳолат тасвири расмий Киевнинг БМТ қошидаги вакили Юрий Сергеев томонидан твиттерга жойлаштирилди.
Лапландияда ниқобли кишилар 1 млн евро миқдоридаги 40та автомобилни ёқиб юборишди>>
Каменмаада (Лапландия провинцияси, Финляндия) ўт қўйилиши натижасида автосалон ҳудудида турган 40та автомобиль ёниб кетди. Шу ҳудуд яқинида турган икки автомобилга эса зарар етди, деб хабар беради Ilta-Sanomat.
Путин: КГБнинг собиқ ходимлари бўлмайди>>
Россия президенти Владимир Путин “КГБнинг собиқ ходимлари бўлмайди” деган фикрга қўшилди. Чарли Роузнинг у билан CBS ва PBS телеканаллари учун ўтказган интервьюсининг стенограммаси Кремль матбуот хизмати томонидан эълон қилинди.
Порошенко Донбассда урушнинг ҳар бир куни Украина учун қанчага тушаётганини айтди>>
Украина президенти Пётр Порошенко Украина Донбассдаги уруш туфайли кунига 5 млн доллар йўқотаётганини айтди. Бу ҳақда “Интерфакс” ахборот агентлиги маълум қилди.
Путин: Биз ҳаммасини биламиз>>
Россия президенти Владимир Путин Украинада бўлиб ўтган тўполонлар ҳамда ушбу мамлакат собиқ президенти Виктор Януковични ҳокимиятдан кетказишда АҚШнинг қўли борлигини “аниқ билади”. Бу ҳақда у америкалик журналист Чарли Роузга берган интервьюсида айтиб ўтди.
Путин: Суриядаги жангариларга қарши курашиш уларнинг Россияга қайтишини кутишдан яхшироқ>>
Россия учун Собиқ Иттифоқ ҳудудидан чиқиб, Сурия ҳудудида уруш олиб бораётган жангарилар билан курашиш уларнинг ортга қайтишини кутишдан яхшироқ. Россия президенти Владимир Путин Американинг CBS ва PBS телеканаллари учун журналист Чарли Роузга берган интервьюсида шундай деди.
Иссиқкўлда яшовчи аёл ўз чақалоғини Россия фуқаросига 50 минг сом эвазига сотгани аниқланди>>
Қирғизистоннинг Иссиқкўл вилояти прокуратураси маҳаллий туғруқхоналардан бирида чақалоқларнинг сотилиши бўйича жиноий иш очди. Бу ҳақда мамлакат Бош прокуратураси матбуот хизмати хабар тарқатди.
Эрон “Муҳаммад – Аллоҳнинг элчиси” фильмини Оскар мукофотига номзод қилиб кўрсатди>>
Эрон режиссёр Мажид Мажидийнинг “Муҳаммад – Аллоҳнинг элчиси” фильмини Оскар мукофотига номзод қилиб кўрсатди. Фильм “Чет тилидаги энг яхши фильм” номинацияси бўйича кўриб чиқилади.