Россия АҚШнинг бўлажак президенти билан ҳар қандай алоқалар ўрнатишдан мамнун бўлади. Бу ҳақда Россия президенти Владимир Путин америкалик журналист Чарли Роузга берган интервьюсида айтиб ўтди.
Чарли Роузнинг CBS ва PBS телеканаллари учун олган интервьюларининг русча стенограммаси Кремль расмий сайтида чоп этилди.
“Биз АҚШнинг бўлажак президенти билан ҳар қандай алоқалар ўрнатишдан мамнун бўламиз, у ким бўлишидан қатъий назар. Америка халқининг ишончини қозонган ҳар қандай одам биз томонимиздан ҳам қўллаб-қувватланади”, - таъкидлади Путин.
Шунингдек, у икки давлат алоқаларининг ва ҳамкорлигининг самарадор ривожланиши ҳаммага фойда келтиришини таъкидлади.
