Британиянинг Times Higher Education журнали дунёнинг энг яхши 100 университети рўйхатини эълон қилди. Мазкур рўйхат THE World University Rankings 2015-16 глобал тадқиқоти давомида ишлаб чиқилган бўлиб, у дунёдаги 800та университетни ўз ичига қамраб олади.
Якуний натижаларга кўра, мазкур рўйхатдаги кучли ўнталикни АҚШдаги Калифорния технология институти (California Institute of Technology) бошлаб берди. Кейинги ўринларда мос равишда Оксфорд университети (Британия), Стэнфорд университети (АҚШ), Кембриж университети (АҚШ), Массачусет технология институти (АҚШ), Гарвард университети (АҚШ), Пристон университети (АҚШ), Лондон Қироллик коллежи (Британия), Швейцария федерал технология институти (Швейцария) ва Чикаго университети (АҚШ) санаб ўтилди.
Осиёдан эса биринчи бўлиб Сингапур миллий университети 26- ўринда қайд этилган. 42- ва 43- ўринларни Пекин ҳамда Токио университетлари бўлиб олишди. Шунингдек, Гонг-Конг, Корея Республикаси, Хитой ва Япониянинг бир қатор университетлари ҳам кучли юзталикдан жой олган. Мустақил давлатлар ҳамдўстлиги мамлакатлари ичидан бирорта ҳам олийгоҳ ушбу рўйхатга кира олмаган. Фақатгина Москва давлат университети 161- бўлиб тилга олинган.
