АҚШ расмийлари Суриядаги хатти-ҳаракатлари туфайли Россия халқаро майдонда яккаланиб қолиши мумкинлигини айтмоқда. Бу ҳақда Оқ Уй расмий вакили Жош Эрнестга таянган ҳолда РИА Новости агентлиги хабар бермоқда.
“Бунинг оқибатлари дипломатик доирадан чиқиб кетиши ва янада чуқурроқ бўлиши мумкин. Мен бундай эҳтимолдан ҳоли эмасман”, - деди у ва бундай оқибатлардан бири халқаро изоляция бўлиши мумкинлигини таъкидлади.
