Украина президенти Пётр Порошенко Франция раҳбари Франсуа Олландга ўз юртига расмий ташриф уюштиришга таклиф қилди. Бу ҳақда Порошенконинг матбуот хизмати хабар тарқатган.
Хабарда қайд этилишича, Олланд бу таклифни қабул қилган.
"Украина ва Франция муносабатлари биз мустақилликка эришган кундан буён юқори даражадаги мустаҳкамликда сақланиб келмоқда", дея қайд этиб ўтган Порошенко.
Хабарда шунингдек, Парижда бошланган "норманд тўртлиги" музокараларидан олдинган президентлар Донбасс ва Қримдаги вазият бўйича гаплашишгани айтилган.