"Ливерпуль" клубининг собиқ ҳимоячиси Жейми Каррагер Брендан Рожерсни истеъфога чиққанидан сўнг ўзининг айрим фикрларини билдириб ўтди.
"Рожерс кетганини эшитиб ажабланганим йўқ. Негаки, унинг кетиши аввалдан бор гап эди. Шунинг учун ҳам бу воқеани содир бўлишини истамаётгандим. Эндиликда жамоани топ мураббийлардан бири бошқариши лозим.
Бу Клопп бўлиши керак. Ҳа, Анчелотти кучли мураббий. Лекин "Ливерпуль" мураббийи ёшлик шижоатига ҳам эга бўлиши керак", дейди Каррагер.
"Клопп эса ўзининг "Боруссия"даги оламшумул муваффақиятларини яна бир бор такрорлаш истагида ёнмоқда. У ўз жамоаси билан ЕЧЛда "Бавария"ни ҳам, "Реал"ни ҳам енга олган.
Айни вақтда "Ливерпуль" бироз кучсизланган. Бу эса Клоппда қўшимча иштиёқ пайдо қилиши мумкин. Унда куч ва ғайрат етарлича бор. У жамоани аввалги даражасига қайтаришни ўз олдига мақсад қила олади.
У ўз қарорлари орқали ҳақиқий бурилишлар ясай олади.
Раҳбарлар тўғри танловни амалга оширишлари керак. Ўз вақтида Комоллининг тайинлови, Далглишнинг иккинчи тайинланиши ва Рожерснинг келиши хато танловлар бўлди.
Энди эса тўғри танловни амалга ошириш, яъни жамоага Юрген Клоппни олиб келиш вақти бўлди", дея Каррагернинг сўзларини келтиради Daily Mail нашри.