Туркияда фаолияти тақиқланган Курдистон ишчи партияси ноябрдаги сайловларгача Туркия ҳукумати билан ярашишини эълон қилди.
Курд фаоллари бу ҳақда Анқарадаги урушга қарши намойишда содир бўлган терактларгача эълон қилишни режалаштирган эдилар.
Курдистон ишчи партиясининг баёнотида айтилишича, партия агар унинг жангчиларига ҳужум қилинса тинчлик сулҳини тўхтатиши мумкин.
Туркия ҳукумати ҳозирча бу ташаббусга изоҳ бермади. Туркияда умумий сайловлар 1 ноябрда бўлиб ўтади.
Курд қуролланган тузилмалари вакиллари июлда Анқара билан ярашиш Ироқнинг шимолида курдлар лагерига Туркия ҳарбий-ҳаво кучлари томонидан авиаҳужумлардан кейин ўз мазмунини йўқотганини айтган эдилар.
Бу ҳужум Туркия ва курд исёнчилари ўртасида ҳарбий ҳаракатларга тақиқлов эълон қилинган 2013 йил баҳоридан бери Туркиянинг курдларга қарши ҳарбий куч ишлатган биринчи ҳолат бўлганди.
Туркия ва ўз мустақил давлатини тузиш учун курашаётган курдлар ўртасидаги ихтилоф 30 йилдан бери давом этиб келади. 40 мингдан кўпроқ одам бу ихтилофнинг қурбонларига айланган.