Россия президенти Владимир Путин “Россия 1” телеканалида берган интервьюсида Москва америкалик ҳарбийларга Сурияда террорчиликка қарши кураш бўйича ўз таклифларини жўнатганини айтди. Бу ҳақда РИА “Новости” ахборот агентлиги маълум қилмоқда.
“Бизнинг мутахассислар АҚШдан сўров ва илтимослар олдилар ва ушбу биргаликдаги ишда ўз қарашларини ифодалаб, уни Пентагонга юбордилар”, деб айтди Путин.
Шунингдек, Путин Россиянинг ташқи сиёсатини тинчликпарвар рухда эканлигини таъкидлаб ўтди.
“Россиянинг ташқи сиёсати – ҳеч қандай бўрттиришларсиз тинчликпарвардир. Агар дунёнинг сиёсий харитасига назар ташлайдиган бўлсак, Россия ўзидан нимани намоён қилишини кўриш қийин бўлмайди ва бизга бегона ҳудудлар ҳам, бегона табиий бойликлар ҳам керак эмаслиги ойдин бўлади – бизда ҳамма нарса етарли, биз ўзимизга тўқ давлатмиз, бизда кимдир билан жанг қилиш ёки ихтилофга боришга ҳожат йўқ”, деб қайд қилиб ўтди Путин.
”Бизда янгидан империя, совет иттифоқини барпо қилиш ниятимиз йўқ, бироқ биз ўз мустақиллигимизни ҳимоя қилишимиз лозим ва биз буни қилиб келганмиз ва келгусида ҳам қиламиз”, деб қўшимча қилиб ўтди Путин.