Россия президенти Владимир Путин “Формула-1” автопойгаси раҳбари Берни Экклстоун билан Сочидаги Гран-При келажакда кечки маҳал ўтказилишига келишиб олдилар, деб хабар бермоқда ТАСС ахборот агентлиги.
Қайд этилишича, Путин бу ҳақда “Формула-1” болидлари учун резина шиналар етказиб берувчи Pirelli компанияси бош директори Марко Тронкетти билан учрашувда айтиб ўтди.
“Биз бугун Экклстоун билан Сочида пойгаларни кечки маҳал ўтказиш имкониятини муҳокама қилдик. У буни шунчалик чиройли таърифладики, биз буни албатта амалга оширишга қарор қилдик”, деб айтди Путин.