"Милан" ва "Реал" клубларининг собиқ бош мураббийи Карло Анчелотти фаолиятини Англия чемпионатида давом эттириш истагини билдирди.
Эслатиб ўтамиз, Анчелотти 2009 йилдан 2011 йилга қадар Англиядаги "Челси" жамоасини бошқарган эди.
"Менинг таътилим камида йил охирига қадар давом этади, кейин яна ишга қайтаман.
Қаерда ишлайман? Қаерга чақиришса, ўша ерда. Музокаралар олиб бораман, вазиятга баҳо бераман ва қарор қабул қиламан. Ҳозир мен ишга қайтишга тайёрланмоқдаман. Январда яна иш бошлайман.
Шахсан ўзим Англия чемпионатида ишлашни истайман. У ерда футбол учун идеал шароит бор. Англияда босим бўлсада, иш учун етарлича эркинлик ва хотиржамлик бор.
Футболдан кетиш олдидан Англияда яна ишлаб кўришни истаган бўлардим", - дейди Анчелотти.
Қайд этиш керакки, италиялик ушбу мутахассис "Ливерпуль" жамоаси бош мураббийлиги учун номзодлардан бири сифатида қаралган, аммо Анчелотти ҳали таътилда экани туфайли мерсисайдликлар таклифини рад этганди.