Андижонда улфатларнинг жанжали пичоқбозлик билан якунланди, деб хабар беради ИИВ матбуот хизмати.
Воқеа вилоятнинг Жалақудуқ туманида рўй берган. Айтилишича, Азиз исмли одам маст ҳолатда йўлида учраб қолган Соҳиб исмли шахс билан талашиб қолган. Икки орадаги даҳанаки жанг муштлашувга айланиб кетган. Азиз рақибига пичоқ билан зарба берган. Бунинг оқибатида Соҳиб қорнидан яраланиб, шифохонага ётқизилган, Азиз эса ички ишлар идорасига олиб кетилган.
Воқеа юзасидан жиноий иш қўзғатилган.
