АҚШнинг ҳарбий-транспорт самолётлари Сурияга ИШИД билан курашаётган муҳолифат учун ўқ-дорилардан иборат юкнинг биринчи партиясини парашютларда ташлади. Бу ҳақда Пентагонда ТАСС ахборот агентлиги мухбирига маълум қилинди.
“Етакчилари АҚШ томонидан тегишли текширувдан ўтган ва Сурия шимолида ИШИДга қарши курашаётган суриялик гуруҳларга ўқ-дорилардан иборат юк етказиб берилди. Юк ўқотар қуроллар ўқ-дориларга эга”, деб айтди манба.
Пентагонда юкни етказиб беришда АҚШ Қуролли кучлари марказий қўмондонлигининг С-17 ҳарбий-транспорт самолётлари иштирок этгани таъкидлаб ўтилди. Барча самолётлар юкларни ташлаш ҳудудларини бешикаст тарк этган.
Қайд этилишича, юк етказиб берилиши ИШИДга қарши ўтказилаётган “Мустаҳкам қатъият” ҳаво ҳарбий операцияси давомида ўтказилган.